Маринела и Борче живеат во Цирих, а тој ја запроси на јахта во Дубаи - на место со спектакуларен поглед

Детали

вторник, 28 јануари 2025

„Нашата приказна започна многу неочекувано, но веднаш знаевме дека сме родени еден за друг“, вели Маринела Васевска, архитект, која со саканиот Борче Соколов живее во Швајцарија. Тој ја запроси по само неколку месеци врска.

Маринела Васевска, архитект, со саканиот Борче Соколов живее во Цирих, Швајцарија, а вели дека се заедно веќе неколку месеци.

„Нашата приказна започна многу ненадејно и неочекувано, но од самиот почеток знаевме дека сме родени еден за друг. Нашата љубов е исполнета со искрена поврзаност, разбирање и длабока почит“, вели Маринела.

Таа за CRNOBELO.com споделува детали:

„Запросувањето беше еден од најубавите моменти во мојот живот. Тоа беше совршен ден кој ја потврди нашата љубов и желбата да го поминеме животот заедно.

Секогаш знаев дека Борче е личноста со која сакам да ја градам мојата иднина, но начинот на кој го организираше овој момент покажа колку многу ме познава и колку му значам.

Запросувањето се случи преку ден, на луксузна јахта, со магичната позадина на хотелот Атлантис во Дубаи.

Борче се потрудил до најситен детаљ за сè да биде совршено. Дури успеал да го убеди капетанот на јахтата да дојде од Абу Даби до Дубаи, само за да го оствари ова изненадување.

Атмосферата беше неверојатна – сончев ден, прекрасен поглед на хоризонтот и хотелот Атлантис кој ја надополнуваше целата романтика.

За да го зачува споменот од овој прекрасен момент, на јахтата имаше и професионални фотографи кои ги документираа сите детали.

Во тој момент, тој клекна на колено и ми ги изговори најубавите зборови. Беше толку искрен и полн со љубов, што ме остави без зборови.

Продолжува на следната страница...