„Матео пристигна“ - Инфлуенсерката Софија Јанева доби син во 41-вата недела и сподели - тешко е да се ‘надноси’ бебе

Детали

вторник, 04 февруари 2025

„При крај на 40-та недела, почнав да се чувствувам како моето тело да ме ‘изневери’, бидејќи процесот не започнува природно. Беше тешко, но вредеше“, напиша Софија Јанева и на бебето му даде име со моќно значење.

Инфлуенсерката Софија Јанева со сопругот Виктор добија син на 31.01.2025. Тие му го дадоа името Матео, кое има значење дар од Бог.

Таа сeга ја објави првата фотографија од својот наследник.

На Инстаграм Софија напиша:

„Матео пристигна на 31.01.2025. Нашиот живот веќе никогаш нема да биде ист – сега е исполнет со топли прегратки, безусловна љубов и нежни бакнежи.

Патот беше многу тежок, но секоја минута вредеше.

Ви благодарам од срце за вашата љубов и честитки. Извинете ако не одговорам веднаш – ми треба време да се опоравам психички и физички и да се прилагодам на мојата нова улога како МАЈКА“.

Неколку дена пред породувањето Софија сподели:

„Во моментот кога ги направивме овие фотографии, никогаш немаше да претпоставам дека ќе стигнам до 41-ва недела.

Сите мајки што го „надносиле“ бебето како мене, знаат колку е тешко последните недели и денови. Не само од физички, туку и од психички аспект.

Имав многу желби и планови за мојот пораѓај. Бескрајно многу сакав да започне природно, да ја почувствувам таа еуфорија кога ќе пукне водењакот или кога ќе почнат првите контракции.

Но, при крај на 40-та недела, почнав да се чувствувам како моето тело да ме „изневери“, бидејќи процесот не започнува природно.

Иако, во исто време, сум бескрајно благодарна што имам уредна бременост и активно бебенце во стомакот, не можам да ги игнорирам моите чувства и стравот од тоа што следува.

Пробувам да бидам смирена и да ги следам советите на докторите, затоа што најважно е бебето да биде живо и здраво, без разлика како ќе дојде на овој свет“.

Софија не сподели повеќе детали за породувањето, но сега е посветена на прилагодувањето на својата нова улога – мајка.

С. С. | Црнобело