Ирина Камилоска: „Се породив природно на ГАК, качив 15kg во втората бременост - не е лесно со две деца, но вреди“

Ирина откри и колкава е разликата во карактерот на двете деца, но и кој бил „позахтевен“ како новороденче.

„Голема разлика и физички и општо во самиот ред на цицање, спиење, плачење.

Двете беа захтевни на свој начин. Ама, ништо не е престрашно ако добро се подготвиш за истото“.

„Дали е Лена копија на мама? Јосиф ми е твој copy-paste, пренајсладок“ - пишува во една од пораките.

На ова, Ирина вели дека некои велат дека Јосиф личи на неа, а на други им личи на нејзиниот сопруг.

„Ама, едно е сигурно - Лена не е копија на мама“ - одговори таа.

„Кој ти помага околу децата и колку најдолго си ги чувала сама? Немам храброст за второ“ - пишува во една од пораките.

„Ми помага сопругот. До сега најдолго сум останала сама со нив еден викенд, и не е лесно. Ама, не е обесхрабрување за второ дете. Мислам дека подоцна во животот ќе ти биде уште потешко за да се одлучиш“ - вели планинарката.

„Како се одвива еден ваш ден, како постигнуваш сè? - ја прашаа.

„Така што не постигнувам сè. Најважно ми е кога ќе станам да го направам појадокот за Јосиф и да смислам ручек. Кога веќе е смислено, пола е направено.

После си го организирам денот во зависност од обврските. А кога начекувам момент, знам да киднам до Водно.

Има приоритети, но ако не ги испеглам кошулите нема да ги испеглам. Ќе го направам тоа утре, може дури и задутре“ - одговори Камилоска.

„Дали имаше епизиотомија на некој од двата породи? Ако да како се справи?“ - ја прашаа.

„И со двете деца имав епизиотомија. Се одмивав со физиолошки раствор, и откако ќе се исуши, прскав сребрен спреј“ - одговори таа.

„Кое е најлесен начин за одбивање од доење? Пробано е скоро сè...“ - ѝ напиша една млада мајка.

„Јосиф го одбив така што го избрав наједноставниот начин, кратење подој по подој. Знаеше да побара кога ќе дојде „тајмингот“ за цицање, ама јас ќе му го свртев вниманието на игра, пеење, читање и слично.

Ќе му дадев нешто да грицне и ќе заборавеше. Кога стигнавме на еден подој во ден, сам се одби. Едноставно, престана да бара“ - откри Ирина.

Прочитајте и Ирина Камилоска објави прва фотка од ќерката, една недела по породувањето

А. Ј. | Црнобело