Американец не може да ѝ одолее на нашата храна - јаде гравче тавче, наздравува со ракија во Скопје (видео)

Детали

среда, 26 февруари 2025

Американецот Џастис, кој го обожава Балканот, со ново вирално видео - во скопска кафеана „подзаспива“ седнат на столче, но пред да си замине, како „прав Балканец“ ја допива ракијата „на екс“.

Џастис Рид, Американец кој веќе неколку години живее на Балканот, и постојано патува низ земјите од поранешна Југославија, неодамна повторно ја посети Македонија.

Па откако минатиот пат сподели видео како пее песна од Тоше Проески, на улицата што го носи неговото име во населбата Аеродром во Скопје, сега покажа како ужива во македонската храна и ракија.

Видеото што го сподели на Инстаграм има преку 10.000 лајкови и скоро 300.000 прегледи.

А во него, Џастис стои на плоштад и се воодушевува на споменикот на Александар Македонски, кога некој му го прекинува воодушевувањето со зборовите: „Не можеме веќе да останеме во Македонија, мора да одиме“.

„Во ред, но имам едно последно барање“ - вели тој.

Во следната сцена Џастис е веќе седнат во македонска кафеана, со полна трпеза пред себе - од шопска салата, преку ајвар, сирења, гравче во тавче и свинско печење.

И на сето тоа наздравува со чашка ракија.

Откако завршува со јадењето, тој „подзаспива“ седнат на столчето во кафеаната, па мора да го разбудат.

Но, пред да стане од масата, си ја допива ракијата „на екс“ и тргнува спремен за следната авантура.

Погледнете го видеото:

Прочитајте и Американец што го обожава Балканот дојде во Скопје и пееше песна од Тоше: „Ако сте од Македонија, ова е за вас“ (видео)

А. Ј. | Црнобело