Кирил Џајковски, Симон Трпчески - Македонски музичари кои нè направија горди пред светот

Детали

недела, 09 март 2025

Нашиот пијанист со светско реноме, Симон Трпчески, во поголемиот дел од годината патува низ светот и одржува концерти во најпрестижните музички сали. Кои други домашни музичари можат да се пофалат со интернационална кариера?

Многу музичари цел живот сонуваат за интернационален успех, а дел од нив имаат среќа да го остварат тоа.

Секако, кариерата надвор од границите на сопствената земја бара многу работа и пожртвуваност, но меѓународниот успех, потоа, е вистинска сатисфакција.

И ние во Македонија имаме музичари кои успеаја да се пробијат надвор од границите на земјава - некои во регионот, други низ Европа, а трети се познати и ценети и во светски рамки.

Ова се наши музичари со интернационална кариера кои нè направија горди:

Калиопи

Пејачката со години пее и на македонски и на српски јазик, а и нејзините албуми се снимени на двата јазика.

Последниве години одржа стотина концерти во многу градови во цела поранешна Југославија.

Дуке Бојаџиев

Откако долги години живееше и работеше во САД, а потоа и во Франција, нашиот композитор во моментов живее и компонира музика во Португалија.

Низ годините тој компонираше музика за реклами на големи американски брендови, но и филмска музика за неколку македонски, но и бројни американски и француски филмови.

Влатко Стефановски

Виртуозот на гитара уште од времето на „Леб и сол“ важеше за еден од најдобрите и најпопуларни гитаристи во поранешна Југославија - статус кој го има и денес.

Тања Царовска

Нашата пејачка која со години живее во Велика Британија, пееше една од насловните нумери во филмот Troy, со Бред Пит во главната улога.

Браќата Тавитјан - Диран и Гаро

Синовите на легендарниот тапанар Гарабет Тавитјан, Диран и Гаро, освен што работат на проекти во земјава, соработуваат со бројни музичари од Балканот и светот. 

Истовремено, тие настапуваат на фестивали и одржуваат концерти низ целиот свет, вклучувајќи го и Карнеги Хол во Њујорк. 

Уште 5 на следната страница...