Неофицијални информации за трагедијата во Кочани – повредени се пренесуваат во Скопје, бројот на жртви е најмалку 50

Детали

недела, 16 март 2025

Синоќа во дискотеката „Пулс“ во Кочани избувнал пожар, за време на концерт на ДНК.

Јавното обвинителство уште нема споделено детали за трагедиајта во Кочани, освен дека се работи на случајот и се утврдува бројот на жртви.

Неофицијално, некои македонски медиуми споделија повеќе детали.

360степени наведува дека бројот на жртви е најмалку 50, додека информациите биле потврдени од МВР за МИА.

Според Радио Кочани, пожарот избувнал околу 3 часот по полноќ, додека некои медиуми споделуваат дека причината се пиротехнички средства, иако ова не е официјално потврдено.

Според информациите што ги добиле од Канал 5, дел од повредените се пренесуваат и во Скопје, во болницата „8 Септември“.

Исто така, и бројни амбулантни возила од Скопје се упатувале кон Кочани.

Слободен печат открива дека се приведуваат и лицата кои биле поврзани со организирањето на забавата.

На Фејсбук се споделува видео на кое наводно се гледа моментот кога почнува пожарот.

/