„Рај на земјата“ - Сара Мејс и Димитар со децата на гости во бајковито холандско место, кај сестрата на Димитар

Детали

петок, 04 април 2025

Сара и Димитар пловеа со чамец во холандското селце Хитхорн, кое е познато како „холандска Венеција“, поради бројните канали наместо улици. Сара на Инстаграм споделува детали оттаму... А тие го посетија и градот Хатем.

Сара Мејс и Димитар Атанасовски почетокот на месец април го искористија за патување во Холандија со ќерката Илина и синот Кирил.

Тие ја посетија сестрата на Димитар, која веќе години наназад живее со семејството таму, во местото Хатем.

Хатем е мал град, кој се наоѓа во источниот дел на Холандија, покрај реката Есел.

Хатем е еден од најстарите градови во Холандија, со историја која датира од средниот век. Градот има добро сочуван историски центар со средновековни улици и згради, што го прави атрактивен за туристи.

Има околу 12.000 жители.

Но, потоа парот го посети и селцето Хитхорн.

Сара е воодушевена од Хитхорн, живописното холандско селце кое го посетија, а на Инстаграм Стори споделува:

„Рај на земјата! Ах, овие кровови со трска.

Мора да „спамам“ со куќиве, фасадиве, природава.

Многу сум фан, а немам зборови да ја опишам естетикава, па ставам 100 фотографии во прилог. Сакам да ви споделам како се чувствувам за тоа...“

Сара откри дека со семејството го разгледувале местото пловејќи со чамец по каналите.

Инаку, Хитхорн е живописно село во Холандија, познато како „холандска Венеција“ поради бројните канали наместо улици.

Главниот превоз во селото е со чамци, бидејќи во стариот дел нема автомобилски патишта.

Карактеристично е по традиционалните куќи со сламени покриви, дрвени мостови и мирна, идилична атмосфера, што го прави популарна туристичка дестинација.

​Хитхорн има околу 2.890 жители. 

Повеќе фотографии од нивниот престој таму:

Повеќе фотографии на следната страница...