Александар Динев објави фотографии од болнички кревет: „По 6 години болка направив операција - ми дијагностицираа варикоцела“

Детали

среда, 16 април 2025

„Секоја болничка врата што ја отворав, се затвораше со разочарување. И така, со години. До пред еден месец. Кога веќе не можев да трпам. Ја фатив мајка ми за рака и ѝ реков: „Ајде уште еднаш. Само уште еднаш да пробаме...“ Влеговме во една приватна болница и буквално за 5 минути ми го кажаа она што државниот систем 6 години не знаеше да ми го каже, а тоа е 'Имаш варикоцела'”, вели тиктокерот Александар Динев. Варикоцела е проширување на вените во скротумот (ќесичката што ги содржи тестисите).

Тиктокерот Александар Динев откри дека вчера (15.04) направил операција, поради варикоцела.

По долги години одење по доктори, конечно му била поставена вистинската дијагноза и даден соодветниот третман.

Варикоцела е проширување на вените во скротумот (ќесичката што ги содржи тестисите), слично на појавата на проширени вени на нозете, но се јавува околу тестисите. Најчесто е безопасно, но може да дојде до појава на болка и други компликации, а во многу ретки случаи и неплодност.

Александар Динев објави фотографии од болница и напиша:

„Денот кога конечно ја направив мојата прва операција. После 6 години болка, конечно можам да кажам - „Заврши!”

Секој што ме познава, знае колку ја сакам физичката активност, трчање, пешачење, движење.

Но, она што никој не знаеше е дека секој мој чекор беше придружен со болка. Болка која беше постојано таму, болка што ме ограничуваше, ме тераше да се чувствувам како роб во сопственото тело.

Секоја посета на доктор завршуваше со истиот одговор: „Пиј парацетамол и ќе помине.“

Секоја болничка врата што ја отворав, се затвораше со разочарување. И така, со години.

До пред еден месец. Кога веќе не можев да трпам.

Ја фатив мајка ми за рака и ѝ реков: „Ајде уште еднаш. Само уште еднаш да пробаме...“ Влеговме во една приватна болница и буквално за 5 минути ми го кажаа она што државниот систем 6 години не знаеше да ми го каже, а тоа е „Имаш варикоцела”.

И за првпат… некој ме сфати. Ме слушна. Ми помогна.

Продолжува на следната страница...