Емра Куртишова на првомајски излет - ужива покрај река со ќерката Лена

Детали

петок, 02 мај 2025

Популарната Исаура од „Преспав“ и нејзиниот сопруг, актерот Петар Стојанов, како и многумина Македонци, вчера беа на семеен првомајски излет.

Актерката Емра Куртишова, којa пред година и пол ја роди ќерката Лена, уживаше со своето мало девојче на првомајски излет.

Емра сподели фотографии на Инстаграм, направени додека седи покрај река, а Лена ѝ е во прегратка со цуцла во устата.

„Ленка-Пченка Стојанова“ - напиша таа на објавата.

Лена е прво дете на Емра и нејзиниот сопруг, актерот Петар Стојанов.

Глумицата, која публиката најмногу ја препознава по улогата на Исаура во македонскиот ситком „Преспав“, уште од моментот кога се роди Лена ја користи секоја можност да сподели со своите пријатели колку ја обожава ќерка си.

Иако досега многупати објавила фотки со Лена, можеби најинтересна е онаа кога неполн месец по раѓањето, отиде со ќерката во кафеана, а Игор Џамбазов тогаш се пошегува дека треба да ѝ даде да проба макало, наместо ракија.

А. Ј. | Црнобело