Момент што наежи и трогна на шоуто на К-15: Андреј од ДНК во старо клипче на К-15 предизвика громогласен аплауз (видео)

Детали

понеделник, 19 мај 2025

Од момент на молк до момент на громогласен аплауз, едноставно салата дишеше во еден здив кога ликот на Андреј се појави на видео бимот на шоуто на К-15 за кое долго ќе се зборува. 

Вчера (18.05) во арената „Борис Трајковски“ се случи третото шоу на легендарните К-15.

Публиката со громогласен аплауз ги поздрави Бранко Огњановски, Васко Тодоров и Љупчо Бубо Каров на третото шоу по повод 30 години К-15.

Од смеење до солзи и мигови на ежење... Само тие го можат тоа!

Еден од најемотивните мигови на концертот дефинитивно беше кога на видео бим се емитуваа стари клипови од К-15, од кои на еден се појави Андреј од ДНК, нивен близок пријател, соработник и нашата непреболена музичка ѕвезда, која за жал, прерано згасна.

Тоа беше миг кој ме наежи и трогна, и тоа не само мене, туку и целата сала.

Од момент на молк до момент на громогласен аплауз, едноставно салата дишеше во еден здив.

И Марија Прличкова Нешовска беше една од присутните на настанот, а таа мигот со Андреј го овековечи со видео, кое го сподели со CRNOBELO.com.

Марија за настанот вели:

„Еден куп импресии од вчерашната вечер.

Си отидовме дома со полни срца и насмевки до уши. Се почувствував толку посебно да ги гледам во живо најдобрите К-15.

Синоќешниот концерт на К-15 беше неверојатен, кај сите се почувствува колку на сите ни фалеле нивните скечеви сето ова време.

Но, во исто време беше и толку емотивно кога се појави скечот со Андреј, што ми се насолзија очите и ми требаше малку време да се стабилизирам.

Всушност, аплуазот од публиката говори сам по себе, колку чувствата беа измешани кај секој од нас… И после толку време, сме без зборови… само тишина и аплауз“.

Погледнете го видеото што ежи:

С. С. | Црнобело