Приказната за Ози: Слепо напуштено куче од Скопје си пронајде топол дом во Швајцарија (фото)

Ниедно куче само не никнува на улица, некој свесно го оставил таму или едноставно му „поминала модата“ во некое семејство.

Никогаш и не ја разбрав суровоста на човекот, да знаеш дека е слепо, дека нема да може само да се снајде и уште посурово и посвесно да го истуркаш во рацете на суровиот надворешен свет.

Ози беше возрасно куче, ако не се лажам скоро па една деценија… Зарем трпението за него толку ли било при крај?

Среќа на испитувањата се покажа дека сè е во ред со неговото здравје, освен неговиот хендикеп заради кој и завршил на улица.

Стационарот Лајка нема посебни медицински можности за ваков тип на кучиња, па неговата понатамошна нега ја презема Здружението за заштита на животи Анима Мунди.

Се водеше постојана потрага за негов нов дом, каде достојно ќе си ја доживее својата старост.

Сè уште тука кај нас луѓето имаат предрасуди за ваков тип на кучиња и нивна понатамошна грижа.

Кога дознав дека некое македонско семејство кое живее и работи во Швајцарија биле заинтересирани да го вдомат, летав од среќа – сепак, постојат и добри луѓе.

Започнавме долга борба, но испишавме среќна приказна.

Нашиот јунак сега има топол дом и семејство кое безусловно го сака и прифати со неговите бледи и слепи очиња.

Очиња кои беа огледало на едно среќно вдомување, многу, многу болка, но и неизмерна радост.

Заслужи среќа јунаку наш!“

Прочитајте и Приказната за Локумче - од повредено, улично куче во македонско село до живот во топол дом во Германија (фото)

©CRNOBELO.com Забрането преземање и копирање. Крадењето на авторски текстови е казниво со закон.

Симона Симионова | Црнобело