Марио од 2Бона: „Девојка ми ми кажа дека не може да остане бремена - сега имаме 3 ембриони спремни за сурогат мајка“

Детали

среда, 02 јули 2025

„Ми рече не можам да останам трудна, родена сум со синдром. Mojaта реакција беше дека тоа не е битно. Ќе останев со неа и да немав деца. Битно ми е да сум среќен со неа. Убаво ми е да седам дома со неа, да не бегам од дома. Сега имаме 3 ембриони кои само чекаат да најдеме сурогат мајка и да имаме наше дете. Процесот беше пекол за неа, но јас го правев со ќеф“ - вели искрено Марио Јелиќ - Кун од 2Бона во подкастот во кој си ја отвори душата. 

Во гостување во подкастот на Лазаров, Марио Јелиќ - Кун и Антонио Стојановски - Тони од 2Бона, зборуваа на разни теми поврзани со кариерата, албум и настапи, но се отворија и за приватниот живот. 

Марио, познат како Кун, кој секогаш го чувал приватниот живот во тајност, овој пат, си ја отвори душата и зборуваше за неговата идна сопруга Исидора, која му е најголема поддршка и љубов во животот. 

„Секој знае која е жената на мојот живот. Сум го чувал во тајност приватниот живот за да се заштитам себеси.

Во моментов сум во стадиум каде што сум спремен на сè, немам што да кријам“ - вели тој во подкастот, каде открива и детали за нивното запознавање, но и фазата кога имале пауза, а потоа сфатил дека таа му е потребна во животот.

Освен што ја возвишува за тоа што таа значи во неговиот живот, Кун открива дека неговата животна сопатничка има синдром од раѓање заради кој не може да остане бремена, а ова му го открила уште на самиот почеток од врската. 

Неговата љубов кон партнерката е толку силна, што ништо не го спречило да остане со неа, а сега, кога знаат дека животот ќе го поминат заедно, минале низ процедура на создавање ембриони, кои ќе ги искористат за да добијат дете преку сурогат мајка. 

Тој се отвори за оваа ситуација со поголема цел, да им покаже и на останатите жени, но и мажи, кои минуваат низ истото, дека не треба да се разочаруваат ниту откажуваат и дека љубовта е најважна од сè. 

Во продолжение прочитајте дел од она што Кун го зборува на оваа тема, додека неговата сакана беше присутна зад камерите:

„Кога ми кажа дека не може да има деца, мојата реакција беше – е добро де, што е тоа битно? Многу изреагира зрело за нејзините години затоа што ми го кажа тоа уште пред било што сериозно да имаме.

Ми рече не можам да останам трудна, родена сум со синдром, нема да можам да користам медицински израз да не згрешам нешто, не сум навлезен во тоа, зашто не ми е битно. Мене ми е битно да сум среќен со неа.

Благодарение на медицината, која е напредна, сега имаме успешни 3 ембриони кои чекаат само да се лансираат во сурогат мајка, која ќе ги износи 9 месеци и ќе имаме наши деца со наши гени.

Во нејзината ситуација, ова е благослов, зашто нејзиниот синдром (кој инаку има повеќе форми), овозможува да може да има свои деца, има здрави јајца клетки што се спојуваат со семето на мажот и можеме да створиме ембриони.

Продолжува на следната страница...