Вики Чадиковска: „Секоја година за мојот роденден си правам Павлова торта - традиција наследена од мајка ми“

Детали

вторник, 10 јуни 2025

„Мајка ми ги правеше највкусните торти, а за мојот роденден секогаш - Павлова. Таа торта не беше само десерт, беше симбол на денот, на детството, на љубовта што мајка ми несебично ми ја даваше и затоа јас ја продолжив традицијата“, вели новинарката Вики Чадиковска која денес (10.06) го слави својот роденден, повторно со Павлова.

Новинарката Вики Чадиковска денес (10.06) го слави својот 52-ри роденден, заедно со децата кој го одбележуваат последниот ден од училиштето.

Вели дека како мала овој ден секогаш поради тоа ѝ бил двојна радост.

Таа има традиција за секој свој роденден да си прави Павлова торта, а ние ја запрашавме од каде оваа идеја.

Вики за CRNOBELO.com вели:

„Кога бев дете, 10 јуни беше најубавиот ден за сите деца. А за мене – вистински двоен празник.

Тогаш завршуваше учебната година, а со мојот роденден започнуваше летниот распуст.

Слободата почнуваше свечено, со парче торта.

Мајка ми ги правеше највкусните торти.

За празници – Васина. За роденденот на сестра ми во декември – Реформ. А за мојот роденден – секогаш Павлова.

Таа торта не беше само десерт...

Беше симбол на денот, на детството, на љубовта што мајка ми несебично ја внесуваше во секој празник.

Се восхитував на нејзината вештина и креативност.

Секоја торта што ја правеше изгледаше како уметничко дело, со вкус кој го паметам засекогаш.

Нејзиниот начин на славење беше магичен и тоа не во големите гестови, туку во вниманието, деталите и љубовта што ја вложуваше.

Годините минаа, но традицијата продолжи.

Денес, јас сум таа што прави торта.

Продолжува на следната страница...