Ивона Јо на настап ѝ пее на мајка си и се топи од емоција: „Како стареам сѐ повеќе потсетувам на неа“

Детали

петок, 27 јуни 2025

„Горда сум што одгледав толку благородно, чувствително и светло човечко суштество. Ти си моја сила и моја вечна молитва“, вели Јасмина, мајката на Ивона, која не остана имуна на силната емоција на ќерка си.

Пејачката Ивона Јо, неодамна го имаше својот прв настап по подолг период.

А таму, меѓу гостите, беше и жената која ѝ значи најмногу во животот и која ѝ е огромна поддршка на секој чекор што во животот го прави Ивона - мајка ѝ Јасмина.

Таа беше покрај својата ќерка на почетокот на годината, кога Ивона имаше операција во Турција за да го отстрани вишокот кожа од стомакот и подбрадокот, но и во секоја нејзина битка и во секој нејзин голем и успешен момент.

Поттикната од сета љубов што ја добива од мајка си, но и за да ѝ покаже колку ја сака, Ивона ѝ посвети една од песните на својот настап, Onaj ko te ljubi, од Тони Цетински.

Па додека пееше, таа и мајка ѝ се прегрнуваа и танцуваа.

Видеото од овој емотивен момент, Ивона го сподели на Инстаграм:

„Периодов сѐ почесто размислувам за давање и примање љубов. Родителската љубов е посебен тип на љубов- чија што замена не постои.

Секој еден родител на различен начин ја покажува.

Оваа жена на видеото е моето мајче. Мајка. Каква длабочина носи… само мајките знаат.

А како стареам сѐ повеќе во личните карактеристики потсетувам на неа.

Да ми бидеш жива, здрава и секогаш вака расположена ко што си на моите настапи. Мајко моја, да даде Бог еден ден да те отпеам“.

Ни Јасмина Јовановиќ не остана имуна на зборовите од ќерка си, па во коментар ѝ напиша дека се гордее со неа.

„Горда сум што одгледав толку благородно, чувствително и светло човечко суштество. Ти си моја сила и моја вечна молитва.

Благословена да си ќерко. Продолжи да сонуваш големи соништа и да ги остваруваш со истата енергија и страст“ - напиша таа.

Погледнете го видеото:

А. Ј. | Црнобело