Борче Стаменов „Донирај компјутер“ откри дека чека дете, 22 години по операцијата од тумор на мозокот

Детали

вторник, 29 јули 2025

„Коа се запознавме за првпат во 2019 година, ја мислев дека она е препотентна скопјанка и ми идеше на нерви, ама сепак ја сликав. Она мислеше дека ја сум опнат, ужасно сум ја нервирал. После некако станавме другари“, вели Борче Стаменов за запознавањето со својата сопруга Оле, со која очекува ќерка.

Борче Стаменов, човекот кој со својата хуманост и иницијативата „Донирај компјутер“ ја освои Македонија, на 3-ти март имаше ден за кој вели дека е негов втор роденден, односно ден на кој изминаа точно 22 години од неговата операција поради тумор на мозокот.

Но, сега тој не само што се чувствува одлично туку и пронајде љубов со неговата Оле, а парот го чека и своето прво дете заедно.

Борче и Оле се во брак од мај 2025-та, а тогаш тој со фотографија од свадбата напиша:

„Дали е ова почеток на засекогаш?

Појма неам. Ама знам дека е продолжение на нешто преубаво. Нешто шо знам дека јас го барав цел живот.

Ова е почеток на сега, а јас ќе се потрудам да стане засекогаш“.

Сега, Борче со фотографија од бебешко чорапче откри дека очекува наследничка.

Во описот тој напиша: „Тик так“.

Инаку во јуни 2025-та Борче сподели фотографија од својата сопруга и откри како се запознале, а уште тогаш дискретно најави дека очекува принова:

„Коа се запознавме за првпат во 2019 година, ја мислев дека она е препотентна скопјанка и ми идеше на нерви ама сепак ја сликав. Она мислеше дека ја сум опнат, ужасно сум ја нервирал.

После некако станавме другари. И бевме другари долго време.

На една свирка, додека Bad-Ass-All ја свиреа The one i love од R.E.M и ние урлавме Fireeee, fireeeeeee, сконтавме дека можеме да бидеме и нешто повеќе од другари.

И еве сме, уште најдобри другари. И сеа чекаме да ни се придружи уште една другарка за да ја носиме по концерти и сите заедно да урламе Fireee, fireeeee“.

Прочитајте и Борче Стаменов за операцијата од тумор на мозокот пред 19 години: „Ме спаси цел тим доктори кои повеќе од 8 часа ми 'копаа' по главата“

С. С. | Црнобело