Кучето му го уништи креветот на Џамбазов, видеото ги насмеа фановите: „Уште жално те гледа - глумица“

Детали

четврток, 14 август 2025

„Ова ѝ е некаква одмазда, само да ми текне за што“, вели Игор Џамбазов, кој утрово објави ново видео од бељите на неговото куче Ферхунде.

Игор Џамбазов веќе некое време живее во Дојран со своето куче Ферхунде, кое го вдоми откако го најде како шета само по улиците на градот.

Ферхунде за кратко стана дел од секојдневието на Игор, а тој постојано споделува видеа од неа и од времето поминато заедно.

Па освен убавите моменти, Џамбазов понекогаш знае да открие дека Ферхунде му прави бељи дома, како на пример утрово, кога покажа како таа  му го изгризала и уништила креветот.

Додека Игор ја снима како ги грицка јажињата кои и се играчки, ја прашува што направила.

“Дали ти, Ферхунде, си ги прибра сите играчки на едно место? Како мало дете?

А оваа брука што ќе ја види сега цела Македонија? Оваа брука, те прашувам сега?!“ - вели актерот и шоумен.

А, додека тој зборува, Ферхунде невино, само на секунда  погледнува во него, а потоа го трга погледот на страна.

Видеото ги насмеа следбениците на Џамбазов.

„Еее Ферхунде, Ферхунде. Мува не те лази. Ти важно си ги наостри забите цццц. Па уште и жално те гледа... глумица“,

„На Ферхунде ѝ е гајле. Игоре не купувај ништо ново веќе“, му коментираат под видеото.

На ова, Џамбазов одговара: „Ова ѝ е некаква одмазда, само да ми текне за што, ха, ха“.

Кликнете за да го погледнете видеото:

А. Ј. | Црнобело