Златко Јовановски со емотивна исповед: „Доживеав банкрот на 21 година, 6 месеци чекав некој да остави капар за фустан“

Детали

среда, 22 октомври 2025

„Отворав сам секој ден, дотеран зашто чекав клиенти. Секој ден ентузијастички верував дека некој ќе дојде на врата, ќе остави капар. Ни на крај памет не ми беше дека за 6-7 месеца ќе имам само 3 нарачки и дека ќе морам да затворам“,  вели Златко за своите неуспешни почетоци во 2016-та година.

Нашиот дизајнер Златко Јовановски, познат како ЈЗЈ, е еден од најуспешните модни креатори во земјава.

Тој во својата кариера, креираше и за светски ѕвезди, имаше ревии во Кина, Париз, Лондон, негови креации се најдоа на насловни страни и во модни едиторијали на познати модни списанија, а за него пишуваше дури и Vogue.

Но, она што денес е успешна приказна, со која се гордее тој, неговите најблиски и целата јавност, сепак на почетокот, во 2016-та година, не делувала толку гламурозно.

Со неколку фотографии на Инстаграм Стори, Златко се потсети на првото ателје во Скопје во 2016-та, кога имал само 21 година, и како по само неколку месеци банкротирал.

Сепак, со својата упорност, истрајност, верба во себе, и малку инает дека некои работи мора да се случат, тој денес е високо на модната сцена, а за неговите креации се зборува наголемо.

Златко својата приказна ја раскажа детално, а објавата ја напиша на тетовски дијалект, како што зборува и самиот тој:

„На денешен ден во 2016 година, на мој 21 години, го отворив моето прво ателје во Скопје. Во строг центар. На плоштад…

Со мајчка „Couture Is Not Dead“ (Високата мода не е мртва) и со неколку креации закачени во луксузниот ентериер, ги пречекав сите што дојдоа да ми честитаа и да ми посакаа бериќет!

У тој минут мојата желба беше исполнета и мислев дека работата е завршена! Ама тоа беше само еден старт.

Памтим дека тогаш првпут сам тргав по материјали у Истанбул!

Со автобус се возев 12 часа, спиев у хотел со 1*, ама пресреќен што имав толку избор и сакав буквално све да купим!

Едвај чекав да напраем нови креацие.

Продолжува на следната страница...