„Мојата преубава сестра, мојата гордост прослави роденден и пензија“ – Калиопи со емотивна објава за својата Корнелија

Детали

среда, 19 ноември 2025

„Овој глас нè милуваше и оплеменуваше на брановите на Македонското Радио. Кога бев мала, сакав да бидам како тебе, Корнелија… Ти честитам мила моја! Те сакам Нели моја, твоја Опи“ - напиша Калиопи и сподели повеќе фотки од својата сестра на која е горда. 

Сестрата на Калиопи, Корнелија Буклеска, која работеше како новинарка и уредник на Редакцијата за култура и уметност во Македонското радио, вчера имаше повеќе причини за славење.

Таа го прослави 64-иот роденден, а колегите ја испратија во заслужена пензија, по 37 години поминати во радиото.

„Во животот се добива само тоа што ќе се побара со храброст.

Без храброст нема приказна, а Корнелија Буклеска, Уредничката на Редакцијата за култура и уметност во МРА-Радио Скопје има своја приказна по 37 години поминати во радиото.

Taa e и останува храбра жена и понатаму.

Денеска слави 64-ти роденден и заминува во заслужена пензија. Среќно и нека се множат годините, наша Корнелија!

Од срце, МРА“ – стои во Фејсбук објавата на радиото, каде беа објавени повеќе фотографии од испраќањето и заедничката прослава.

Калиопи исто така, полна со емоции, ѝ го честиташе овој голем ден на својата сакана сестра, со која ретко споделува фотографии, но ужива и ги цени заедничките моменти поминати со неа и со мајка ѝ. 

Нашата поп дива објави нејзина фотографија, а во описот напиша:

„Мојата преубава сестра, мојата гордост, вчера на 18.11.2025, го прослави својот роденден и заминувањето во пензија….

Овој глас нè милуваше и оплеменуваше на брановите на Македонското Радио.

Кога бев мала, сакав да бидам како тебе, Корнелија…

Ти честитам мила моја!

Сега е време за твојата друга љубов - пишувањето!

Те сакам Нели моја…

Твоја Опи“.

Повеќе фотографии од прославата кои беа објавени од Македонското радио:

M. M. | Црнобело