Хит совети од македонски свадбен фотограф: „Невесто, јади пред свадбата, зету, избричи се рано наутро“

Детали

среда, 24 декември 2025

„Невесто, вежбај облекување на венчаницата со другарката што ќе ти помага на самиот свадбен ден. И, да, јади малку утрото, ќе ти треба сила. Младоженецу, ако имаш зурли и тапани и планираш да се качиш на тапан, вежбај претходно качување на тапан...“, советува фотографот Војкан Миленковиќ.

Војкан Миленковиќ е свадбен фотограф од Скопје, кој од 2010 година фотографира свадби, а на својот Инстаграм профил споделува корисни совети за најважниот ден за идните невести и младоженци.

Тој вели дека е вљубеник во свадбена фотографија што раскажува приказни, со доза елеганција, и дека на денот на свадбата најважни сте вие, односно дека на вашата свадба вие сте херојот.

Дел од неговите совети:

Кај невестата

Фустанот, чевлите и деталите како парфем, накит, китенки да бидат на видно место.

Извежбајте го облекувањето на фустанот со таа девојка или жена што ќе ви помага да го облечете дента.

Ова важи и за чевлите и накитот! Но и за китенките!

Направете го фустанот уште пофотогеничен инвестирајте во убава закачалка.

За невестата

Ако се шминкате во салон, нека ве вози некој до таму.

Нема ништо полошо од тоа да ви се растури шминката (и фризурата) поради нервози во сообраќај.

Спремете си игла, конец и резервни копчиња. Да, може да затребаат.

Земете си и огледало и шминка (кармин, моливче итн.) за корекција.

Наполнете си го телефонот.

За невестата и зетот!

Дајте им ги бурмите на кумот или старосватицата. Да ги причуваат со црква или матично.

Јадете малку од сабајле.

За секој случај спремете чадори.

Извежбајте 3-4 пози за да се подготвите за фотосесијата.

Бонус совет за невестата:

Ако за време на фотосесијата има многу одење, земете си патики. Не сакаше да клинкате со чевлите и не дај боже да свиткате зглоб.

Продолжува на следната страница...