Мирјана од Кавадарци издоминира во „Ѕвездите на Гранд“ - ја маѓепса публиката со емотивното пеење и впечатливиот стил

Детали

понеделник, 16 февруари 2026

„Вечерва Мирјана Митрева ја маѓепса публиката со својата изведба. Нејзината интерпретација беше толку емотивна и силна што секој стих го претвори во магија, а публиката остана без здив“ - од „Ѕвездите на Гранд“ го објавија видеото и не штедеа комплименти за нашата претставничка.

Мирјана Митрева од Кавадарци се пласираше директно во четвртиот круг на музичкото шоу „Ѕвездите на Гранд“, што се емитуваше изминатата сабота и продолжува со борбата за победа.

Мирјана во третиот круг ја испеа песната „Да је туга снијег“ од Дино Мерлин, а од продукцијата, која објави видео од настапот на нашата претставничка на Инстаграм, велат дека таа ја маѓепсала публиката.

„Вечерва Мирјана Митрева ја маѓепса публиката со својата изведба.

Нејзината интерпретација беше толку емотивна и силна што секој стих го претвори во магија, а публиката остана без здив“, пишува во коментарот од „Ѕвездите на Гранд“.

Мирјана, освен со пеењето, воодушеви и со стилот.

Таа, во емисијата што се емитуваше на 14 февруари, носеше црвен фустан со необичен крој, а бојата асоцираше и на црвено вино и на љубов.

„Ви благодарам за поддршката, љубовта и пораките што ги добивам. Секој настап на оваа сцена носи посебна емоција.

Thanks што верувате во мене и што сте дел од ова мое патување“, напиша таа.

Инаку, ментор на Мирјана во шоуто е Ѓорѓе Давид.

Погледнете го настапот на Мирјана:

А. Ј. | Црнобело