Емотивна средба - Слаткар на концерт го препозна Јован, момчето кое спаси 20 деца во Кочани, и се симна да го бакне

Детали

недела, 30 ноември 2025

„Еве го јунакот“ - напиша Слаткар кој на својот вчерашен концерт го препозна момчето-херој од Кочани и слезе меѓу публика за да го гушне и бакне. 

По концертот во полната арена Борис Трајковски, каде настапи заедно со Тони Зен, вчеравечер Марко Маринковиќ Слаткар одржа интимен концерт во Станица 26.

Иако цела вечер публиката пееше со него, скандираше, се забавуваше и уживаше во секој миг од концертот, сепак, сите што беа таму засекогаш ќе се сеќаваат на моментот кога Марко, пеејќи ја „Да полетам“, се симна меѓу публиката, бидејќи во толпата го препозна Јован Костадинов, момчето-херој од Виница, кое на кобната ноќ во дискотеката Пулс во Кочани, спаси 20-тина деца.

Слаткар, придружуван од обезбедувањето, одеше низ толпата, а потоа застана до Јован, го гушна и го бакна.

Јован, возбуден од ситуацијата во која се најде, и тој го бакна Слаткар, а на својот Инстаграм Стори сподели две куси видеа и напиша дека Слаткар му е омилен.

„Еве го јунакот“, пак, напиша Слаткар, откако и самиот ги сподели видеата од Јован.

За потсетување, Јован стана симбол на несебична пожртвуваност кога во пожарот во Кочани, без двоумење, влезе во огнената стихија и спаси околу 20 деца.

„Со црево во рацете и срце полно храброст, тој не размислуваше за себе, туку за оние на кои што им беше потребен“ - раскажаа тогаш оние кои беа сведоци на храброста на момчето.

Погледнете го емотивниот момент на средбата на Слаткар и Јован:

А. Ј. | Црнобело