Светлана Црнокрак не старее – прослави 50-ти роденден и блеска во шестата деценија (фото)

Детали

петок, 20 февруари 2026

Една од најубавите жени во Македонија, Светлана Црнокрак, дувна свеќички за 50-тиот роденден и покажа дека годините не ѝ можат ништо – зрачи со шарм и грациозност и во шестата деценија покрај најсаканите.

Светлана Црнокрак го носи епитетот на една од најубавите жени во Македонија, која изгледа како да се разубавува сè повеќе како што поминуваат годините.

На 18 февруари 2026 таа наполни 50 години, а во шестата деценија од животот влезе со грациозност и стил.

На својот Инстаграм профил таа објави неколку фотографии од прославата на јубилејот во ресторан, облечена во црно, со впечатлив златен накит.

Славеничката дувна свеќички на роденденската торта насмеана, додека на масата покрај неа има цвеќе и таа блеска со својата убавина и елеганција.

Светлана покажа дека годините не ѝ можат ништо, а во една прилика во интервју за CRNOBELO.com, откри дека изгледот се должи на големата грижа за себе и раскажа дека постојано вежба, внимава што јаде и го негува лицето.

Прочитајте повеќе: Светлана Црнокрак ни ги откри тајните за убавина: „Имам чувствително лице, ретко јадам чоколадо и постојано вежбам“

Претходно, во текот на роденденскиот ден, на социјалните мрежи таа доби честитки од ќерките Моника и Нина, како и од нејзиниот сопруг Мики, кој објави ретро фотографија од нив двајца и напиша „Среќна 50-ка!“.

„Ви благодарам на сите за преубавите желби и пораки... Ви благодарам на сите што сте дел од мојот живот! 50 години стекнав големо богатство од прекрасни луѓе и пријатели. Продолжуваме сите заедно и второ полувреме. Ве сакам!“ - напиша Светлана на својот Фејсбук профил.

М. М. | Црнобело