Дечко од Скопје ја запроси саканата од Казахстан во Германија: „Мајка му го скрила прстенот во мојот куфер“

Детали

вторник, 03 март 2026

„Пред да заминам, неговата мајка тајно го ставила во мојот куфер. Несвесно го носев симболот на сопствената свршувачка преку граници. Пред да отпатуваме за Германија, неговата мајка тајно го ставила прстенот во мојот куфер“, вели Аружан Баители (24), архитект и инженер од Алмати, Казахстан, за CRNOBELO.com.

Аружан Баители (24) е архитект и инженер по потекло од Алмати, Казахстан, а Доан Акити (32) е од Скопје и работи како кинематографер.

Доан по година и четири месеци заедно одлучи да ја запроси својата сакана за време на нивното патување во Германија.

Велат дека од самиот старт знаеле дека се совршени еден за друг.

Аружан за CRNOBELO.com споделува детали за запросувањето:

„Се запознавме во Скопје и уште од нашиот прв состанок знаевме дека сме еден за друг.

Многу рано се соочивме со врска на далечина и тоа беше период кој го минавме учејќи како да сакаме преку граници, временски зони, летови и неизвесност.

Не беше секогаш лесно, но нè зацврсти. Нè научи на трпение, доверба и како свесно да се избираме еден со друг, дури и кога не бевме физички на исто место.

И покрај тоа што доаѓаме од различни култури, Казахстан и Македонија, брзо откривме колку сме слични во нашите вредности, во разбирањето на семејството и во визијата за иднината.

Нашите позадини се различни, но длабоко усогласени.

Ретко е да сретнеш личност од друга култура која те разбира толку инстинктивно. Различни истории, но ист правец.

Запросувањето се случи во Ландсхут, Германија, во историската тврдина која гледа кон градот.

Беше спонтано, водено од моментот, а не од строга организација.

Доан веќе извесно време го носел прстенот со себе, чекајќи ја вистинската атмосфера.

Тој ден ми рече дека одиме на тематска фотосесија. Со оглед на тоа што е видеограф, тоа звучеше сосема природно. Не се посомневав.

Она што не го знаев беше дека прстенот патувал со мене од Македонија.

Пред да заминам, неговата мајка тајно го ставила во мојот куфер. Несвесно го носев симболот на сопствената свршувачка преку граници.

Има нешто навистина романтично во тој гест.

Во тврдината, среде она што мислев дека е само креативно снимање, тој се сврте кон мене и ме праша дали ќе се омажам за него.

Зошто токму таа локација? Тврдината е историски поврзана со познатата средновековна прослава позната како Landshut Wedding - голем настан што симболизира сојузништво и наследство.

Продолжува на следната страница...