Исидора (10) од Скопје е успешна млада каратистка - Тренира од 5 години, освојува златни медали

Детали

понеделник, 09 март 2026

„Тренирам трипати неделно и до сега не ми се случило да не сакам да одам на тренинг, бидејќи навистина многу го сакам каратето“, вели младата Исидора Алексовска за CRNOBELO.com.

Исидора Алексова (10) од Скопје е ученичка во ООУ „Владо Тасевски“, но и млада успешна каратистка.

Иако тренира само неколку години, сон ѝ е да настапи на Државното првенство кај нас, а потоа и на Балканското.

Во домашната витрина на Исидора веќе има многу медали и трофеи, но тоа е само почеток.

За својата љубов кон овој спорт, таа раскажа за CRNOBELO.com:

„Љубовта кон каратето се појави сосема случајно. Сакав да почнам да спортувам нешто, но не знаев точно што.

Отидов на неколку пробни тренинзи по карате и веднаш ми се допадна, па решив да продолжам.

Со карате почнав да тренирам на пет и пол години, а тренирам во карате клуб „Професионал“.

Во нашето семејство има љубов кон спортот. Имам чичко во Австралија кој бил каратист и тренер по карате.

Исто така имам и братучед во Данска кој тренира фудбал и братучед што тренираше кошарка.

Веројатно од таму доаѓа и мојата желба да се занимавам со спорт.

Јас избрав карате и многу ми се допаѓа.

Продолжува на следната страница...