Јелена Спенџарска го посети родното село на баба ѝ: „Куќата кај што се родила уште се ‘држи’ некако“

Детали

вторник, 14 април 2026

„Замислете оваа жена до мене тука создавала пријателства, плачела, учела, си играла. Ни на крај памет дека еден ден, повеќе од 70 години подоцна, ќе дојде да се слика тука со внуката“, напиша Јелена и сподели фотографија со баба ѝ, пред нејзината куќа во с. Двориште.

Водителката и инфлуенсерка Јелена Спенџарска ги помина велигденските празници во родното Берово со семејството.

Таа уживаше со родителите, помагаше низ домот, се дружеше со баба ѝ...  

И дел од овие работи ги сподели на Инстаграм со своите следбеници.

Но, најемотивниот момент од празничниот викенд се случи кога Јелена заедно со мајка си отиде да го посети Двориште, родното село на баба ѝ Нада, и да ја види куќата во која таа се родила.

Јелена најпрво објави видео од патувањето дотаму и напиша:

„Денеска одиме во селото каде што е родена баба ми. Сакам да ја видам куќата, ако не е распадната“.

По ова, Спенџарска објави и фотка со баба ѝ, направена токму пред куќата.

„Еве ја, уште се 'држи' некако куќата каде се родила и пораснала мојата баба Нада.

Фасцинантно е да можеш да слушаш, но и да сведочиш за едно време, за начин на живот кој веќе не постои, за спомени кои биле толку реални иако поминале гооооооодини и години.

Замислете оваа жена до мене имала соништа токму тука, тука создавала пријателства, плачела, учела, си играла. Ни на крај памет дека еден ден, повеќе од 70 години подоцна, ќе дојде да се слика тука со внуката“, напиша Јелена.

На една од фотките е и бабата на Јелена со својата тетка, стара подгрбавена жена облечена во црнина, но водителката сподели и неколку фотки од селото.

А. Ј. | Црнобело