Марија и Бојан од Eye Cue чекаат прво дете – објавија забавно видео со тест и трудничко стомаче

Детали

понеделник, 11 мај 2026

Живеат долги години заедно, тој ѝ бил најголема поддршка во животот кога нејзините не ја поддржале нивната врска, а сега ќе се остварат во улога на родители - Марија од Eye Cue во забавно видео со Бојан, покажа позитивен тест за бременост и трудничко стомаче. 

Марија Ивановска и Бојан Трајковски се музички љубовен пар кој заедно го сочинуваат и дуото Eye Cue.

Парот кој во 2018-та нè претставуваше на Евровизија, сега објави радосна вест.

На Инстаграм тие споделија забавно видео со кое открија дека очекуваат принова.

На видеото се гледа како Марија држи тест за бременост и двајцата се „изненадуваат“ од резултатот, но потоа таа станува и го покажува пораснатото трудничко стомаче.

„Eye Cue со нов член? Да не треба уште некој тест?“ – стои во описот на објавата.

Погледнете го видеото:

„Ајдееееееее кој чека ќе дочека и ние еве дочекавмееее! Честиткииииии!!! Јееееј!!!!“ – напиша во коментари Кристина Арнаудова помеѓу многуте други честитки.

Инаку, тие ја претставија Македонија со песната „Lost and Found“ и го освоија 18-тото место на полуфиналната вечер.

Марија живее сама од 18 години, а во повеќе интервјуа има признаено дека не добила поддршка за врската со Бојан, кој е 14 години постар од неа, а ја научил на сè во животот откако се осамостоила.

Сега таа со животниот сопатник влегува во ново поглавје и ќе се остварат во улога на родители.

М. М. | Црнобело