Кристина Арнаудова: „Син ми првпат истрча трка на 3 години, ние му купивме пехар без да знае – го викавме Форест“

Детали

вторник, 12 мај 2026

Кристина Арнаудова објави симпатична фото-споредба од синот Максим (15) кој викендов истрча 10km: „Лево има 3 и пол години, првпат истрча трка со татко му од 1km. Му купувавме пехари за да се почувствува вреден, секако без да знае дека се од нас“.

 

Кристина Арнаудова е во брак со Александар Петровски – Сајкал, со кого ги има двата сина Максим и Матео.

Таа не зборува многу за нив во јавност, но одвреме-навреме знае да сподели интересни моменти од нивното растење.

Сега пејачката на Инстаграм Стори објави симпатична фото-споредба од синот Максим (15).

На едната фотографија тој има 3 и пол години и позира по истрчана трка со помош од татко му, а во рака држи пехар.

На десна фотографија, Максим позира на HalkEco трката која се одржа во неделата во Скопје, откако истрчал 10km.

Кристина сподели интересна приказна зад оваа фотографија:

„Овде лево има 3,5 години. Прв пат истрча трка со поддршка од татко му 1км.

Немаше таква возрасна категорија, и секоја година му купувавме ние пехари за да се почувствува вреден и награден за трудот и желбата да трча (секако ова тогаш не го знаеше).

Го викавме Форест“.

За истрчаната трка, Максим сега регуларно си доби диплома, како и медал кој гордо го носи околу врат на фотографијата.

М. М. | Црнобело