Драган од Радовиш: „Поминаа 10 години откако дојдов во Шведска - знаев само 5-6 Македонци, но државата ми даде можности“

Детали

среда, 20 мај 2026

„Денес... 10 години откако дојдов во Шведска. Искрено… поминаа како 10 дена. По преселбата, цела една година размислував дали го избрав вистинскиот пат - за мене, за мојата фамилија, за иднината што сакав да ја создадам“, искрено вели Драган Трајанов од Радовиш, кој работи како музичар во Гетеборг, а е сопруг и татко на две деца. 

Драган Трајанов од Радовиш веќе 10 години живее во Шведска и таму работи како музичар.

Драган има свој бенд во Гетеборг (Trio Band).

Тој веќе една година има и приватна фирма што се занимава со изнајмување музичка опрема за мали и средни настани.

Драган е семеен човек и има два сина на возраст од 19 и 13 години.

Тој по повод 10 години живот во Шведска емотивно вели:

„Денес... 10 години откако дојдов во Шведска.

Искрено… поминаа како 10 дена.

Кога дојдов тука, познавав само 5-6 Македонци, а и толку луѓе ме познаваа мене. Нов почеток, нова држава, нов живот.

Цела една година размислував дали го избрав вистинскиот пат - за мене, за мојата фамилија, за иднината што сакав да ја создадам.

Не беше лесно човек да се одлучи на таков чекор.

Да оставиш сѐ позади себе и да почнеш од нула бара многу храброст, многу жртва и многу непроспиени ноќи. Имаше моменти на страв, несигурност и прашања без одговор.

Но, некаде длабоко во мене чувствував дека сѐ ќе биде во ред. Бев со позитивна мисла и верував дека ништо во животот не се случува случајно.

Продолжува на следната страница...