Игор Џамбазов слави роденден: „Кога наполнив 36 не бев сигурен дали ќе доживеам 63 – еве ме жив и по малку здрав“

Детали

среда, 15 јули 2026

Сестрата на нашиот шоумен Игор Џамбазов, Тања, му посака: „Братче мое, само насмеан и здрав... ама и едно чупенце годинава да ти донесе“, a Џамбазов во дел од својата роденденска објава вели: „Огромно благодарам до сите вас што ме подржувавте сиве овие години... И да знаете: 63 се новите 36. Следна цел: Проект 99“. 

Нашиот актер, музичар и шоумен, Игор Џамбазов, денес слави роденден.

Игор наполни 63 години, а како и секогаш, во свој уникатен стил, напиша интересна објава.

Тој објави фотографија од себе зад микрофон и напиша:

„Кога наполнив 36 не бев баш сигурен дали воопшто ќе доживеам 63.

Ама еве ме. Жив, и по малку здрав.

Но во форма. И полн со енергија.

Огромно благодарам до сите вас што ме подржувавте сиве овие години...

И да знаете: 63 се новите 36.

Следна цел: Проект 99.

63+36=99“.

Во коментари на објавата, Џамбазов доби голем број честитки од своите колеги, пријатели и обожаватели.

„Среќен роденден пријателе, време е за нова етапа во животот. На патот да ти доаѓаат само убави луѓе,да си ми жив и здрав…

Те сакаат Маја и Горазд“ – му напиша пејачката Маја Вукичевиќ.

Неговата сестра пак, Тања, која не живее тука, а се многу блиски, му посака:

„Братче мое, само насмеан и здрав... Сè друго секундарно... ама и едно чупенце годинава да ти донесе. Највеќе на свет те сакам и гушкам!“

М. М. | Црнобело