Ружица од „Ареа“ среде кризата со загадената вода во родниот Гостивар : „Што со пластичните шишиња потоа?“

Детали

петок, 24 јули 2026

„Чистата вода што се дистрибуира до гостиварчани е добредојдена, поточно само со неа деновиве функционираме, но што ќе се случи со илјадниците празни пластични шишиња што сега се собираат во домаќинствата“, вели Ружица Брчиоска од „Ареа“ и испраќа моќен апел.

Ружица Брчиоска од „Ареа“ и нејзиниот сопруг Ивица живеат во Гостивар, но за жал родниот град на Ружица, поточно неговите жители, деновиве ги живеат најтешките денови.

Неговите граѓани едноставно се очајни да пронајдат начин како да преживеат во овие пеколни деновиве, среде скандалот со загадената вода.

На тема како функицонираат, но и за загриженоста што потоа, се огласи Ружица на Инстаграм:

„Чистата вода што се дистрибуира до гостиварчани е добредојдена, поточно само со неа деновиве функционираме, но што ќе се случи со илјадниците празни пластични шишиња што сега се собираат во домаќинствата и кои по завршување на кризата со загаденава вода (посакувам што побрзо да заврши) ќе се расфрлаат насекаде?

Би требало уште сега да се спроведе акција за собирање на пластика на одредени пунктови, зашто многу лесно, знаејќи си ја културата, шишињата може да се најдат во Вардар и да предизвикаме ново загадување на животната средина.

Дали општината има некаков план за ова, а ако не - тогаш еколози ајде вклучете се, предлагајте!“

 

С. С. | Црнобело