Спонзорирано од:
Спонзорирано од ОгласиЗаРабота.мк
Графичар 08-02-2023
Технолог 08-02-2023


„НОВА“ ја отвори првата средношколска училница по кинески јазик во Македонија

Меѓународните училишта НОВА и Институтот „Конфучиј“ при Универзитетот „Св. Кирил и Методиј“ - Скопје денеска отпочнаа соработка што подразбира организирање настава по кинески јазик во оваа образовна установа.

nova-ja-otvori-prvata-srednoskolska-ucilnica-po-kineski-jazik-vo-makedonija-01.JPG

Со чинот на потпишување на Меморандум за соработка помеѓу двете споменати институции, кинескиот им се придружи на францускиот, италијанскиот, германскиот и шпанскиот кои моментно се изучуваат како странски јазици во НОВА.

Со отварање на првата средношколска училница по кинески јазик, Универзитетот „Св. Кирил и Методиј“ - Скопје, го продолжи својот проект за популаризација на кинескиот јазик и култура во Македонија. Оваа учебна година наставата по современ кинески јазик и култура ќе ја следат 14 ученици.

На присутните им се обратија ректорот на Универзитетот „Св. Кирил и Методиј“ - Скопје, проф. д-р Велимир Стојковски и директорот на Меѓународните училишта НОВА, г-ѓа Венера Новаковска.

- „Кинескиот е прв од источно-азиската група на јазици кој ќе се изучува во НОВА заедно со тие од европското говорно подрачје. Имајќи предвид дека Кина е сè поприсутна на светската сцена, ова е само почеток за отпочнување на подолгорочен процес на соработка во кој следни чекори би биле размена на ученици, како и евентуалното отворање на мултимедијална училница во НОВА посветена на кинескиот јазик и култура“ - истакна Новаковска

Таа, исто така, се заблагодари на одличната соработка со Универзитетот „Св. Кирил и Методиј“ – Скопје, ректорот проф. д-р Велимир Стојковски и Институтот „Конфучиј“ нагласувајќи дека со интензивирањето на македонско-кинеските економски односи, ќе се јави поголема потреба од изучување на кинескиот јазик и подобро разбирање на културните посебности. Отпочнувањето на наставата по кинески јазик во НОВА е уште еден чекор кон целта за меѓусебно приближувањето на двете култури.

nova-ja-otvori-prvata-srednoskolska-ucilnica-po-kineski-jazik-vo-makedonija-02.JPG

Покрај останатите гости присутни беа и кинескиот директор на Институтот „Конфучиј“, проф. д-р Шиџонг Денг и македонскиот директор на оваа организација, проф. д-р Бранислав Саркањац.

Би можело да ве интересира:

Нова утринска снежна бајка на Попова Шапка среде јануари (фото) Скијачите и вљубениците во зима копнеат по снег годинава, но ски центрите како м...
Спасени животни, бројни хумани гестови: Убави и забавни моменти во Македонија по кои ќе ја помниме 2... Малиот Дарин вторпат ја донираше својата коса, во Скопје ЗОО се родија лавчиња п...
Скопје не се гледа од маглата деновиве, сонцето не може да продре – главниот град низ објективот на ... Ако сакате да побегнете од маглата и смогот во Скопје, доволно е само да се иска...

Најчитани неделава

sonovnik-sidebar.jpg