Сашко Коцев доби заменски водители – 10 моменти за паметење од Златна Бубамара!

Детали

петок, 20 февруари 2015

Златна Бубамара наполни 18 години! Летаат годините, а летна и уште една вечер исполнета со многу насмевки и убави моменти.

Започна со бројни воздишки и изненадени лица на публиката –  долгоочекуваниот Сашко Коцев не се појави на сцената и доби свои заменски водители.

Атанас и Тино од театар Комедија го заменија незаменливиот Коцев додека тој се реши да штрајкува.

Почнаа да се редат наградите, а публиката се нечкаше – каде е Сашко, никој не може да го замени, но двојката Атанас и Тино се покажаа супер! Успеаа да изнудат насмевки и кај оние тврдокорните.

Моменти за паметење од оваа Златна Бубамара:

1. Штрајкот на Сашко беше прекинат и тој се појави на сцената, а олеснителните воздишки и аплаузот на публиката беа повеќе од очигледни.

2. Настапот на младиот талент Трајче со неговиот идол Даниел Кајмакоски.

3. Трите грации - Верица Ристовска, Даниела Панчетовиќ и Зорица Поп Анкова кои со своите евергрини нè потсетија на едно прекрасно безгрижно време.

4. Снимениот разговор меѓу Сашко Коцев и Ранко Петровиќ.

5. Балетската точка на Столе Стоилов и Сашко Коцев.

6. Големата поддршка  до Студентскиот Пленум.

7. Наградата Ин Мемориам за К-15.

8. Настапот на распеаниот камионџија со Наум Петрески.

9. Доделувањето на наградата на Коза Ностра.

10. Сашко Коцев во долен веш :-)

Не ви откриваме повеќе, за да не ви го скратиме уживањето!