Хуманитарна аукција за Сашка Робев

Детали

понеделник, 21 декември 2015

Утре во Дом на АРМ, во 20 часот ќе биде отворена хуманитарна аукција, од која средствата ќе бидат наменети за лекување на Александра – Сашка Робев, која боледува од Adenocarcinoma pancreatic или малигна неоплазма на панкреасот.

Аукцијата ја организира Друштвото на ликовни уметници на Македонија (ДЛУМ), а е поддржана од Дирекцијата за култура и уметност на град Скопје, винарија „Темов“ и Европски универзитет.

Уметничките дела од еминентни македонски уметници ќе бидат изложени за посетителите и наддавањето за нив ќе биде во износ од 600 денари, од почетната цена за секое дело. Собраните средства од продадените уметнички дела – слики, графики, цртежи и скулптури, ќе бидат наменети за понатамошното лекување на Робев.

Сашка, сопруга и мајка на две деца, е ликовен уметник кој долги години работи како графички дизајнер. По констатирањето на нејзината болест, извршени се бројни третмани по кои е утврдено дека е потребен посебен третман за пациенти заболени од канцер во клиника во Берлин кој треба да ја подобри нејзината здравствена состојба.