Избрани тројца финалисти во модниот предизвик „Сврти нов лист и стани стилист“
- Детали
- сабота, 05 ноември 2016
Драгана Трпковска, Дарен Тодоров и Марија Атанасова се тројцата финалисти од модниот предизвик „Сврти нов лист и стани стилист”, иницијатива на Скопје сити мол во насока на поттикнување на лојалните потрошувачи да бидат похрабри во модниот избор, да ги покажат своите знаења и вештини во модата и секако да бидат наградени.
„Нема прирачник за тоа како да се биде уникатен и автентичен, со слободен дух и приемчивост кон нови стилови, но овие млади луѓе ја разбрале идејата за стајлинг што е адаптабилен на различни возрасти и прилики во текот на денот и покажаа како можат да креираат нови модни искуства со широкиот спектар на стилови во Скопје сити мол, актуелни, забавни и естетски возбудливи модни примероци” - изјави Дарко Панчевски, претставник од Скопје сити мол.
Тројцата финалисти успеаа да се издвојат од над 700 учесници во ова ново модно искуство што нудеше навидум предвидлив избор. Стајлингот предложен од модните стилисти и дизајнери Драган Христов, Катерија Трајановска и Ана Несровска требаше да се надополни со впечатливи модни парчиња што ќе бидат репрезент на денешното време, уличната мода, што ќе го смират или возбудат стајлингот, ќе придонесат кон некаква рамнотежа или хармонија, ќе поддржат некаков бунтовнички и младешки имиџ, но нема да го направат досаден.
Сите имаат можност да гласаат за комбинацијата што најмногу им се допаѓа на ФБ Фан страната на Скопје сити мол и да бидат едни од оние што ќе добијат бесплатни билети за концертните настани во Скопје во ноември и во декември, а Casual Stylist-от победник го чекаат стилски награди.
Би можело да ве интересира:
