Свечено затворање и доделување награди на 10. ИТФ „Лица без маски“

Детали

среда, 12 април 2017

Последниот фестивалски ден од 10. ИТФ „ЛИЦА БЕЗ МАСКИ“, ќе се одржи на сцената во Театар Комедија, со изведбата на претставата „ФАРМАТА“, во режија на Паоло Алесандри, а во изведба на театарот „Софија Амендолеа“ од Рим, Италија, со почеток од 20 часот.

-„ФАРМАТА“ е претстава што е резултат од сценски дела базирани на соработка и вербална импровизација. Низ храбра употреба на човечкото тело, звуци, гласови и измислени работи, „ФАРМАТА“ и ја претставува на публиката замислената „СТРАШНА ФАРМА“: место каде улогите на антагонистите - луѓе и животни, првично се измешани, потоа се претопуваат една во друга и создаваат едно ново застрашувачко суштество: ЅВЕР.

Во 21:45 исто така на сцената на Театар Комедија, жири комисијата во состав: Деан Дамјановски, режисер, Трајче Ѓеорѓиев, актер и Тони Димков, новинар и критичар ќе ги доделат трите награди и тоа: Гранд при за најдобра претстава во целина, Награда за најдобра режија и Награда за најдобро актерско остварување.

Билети може да се набават на касата на Универзална сала-Скопје и Театар Комедија, или со резервација на Оваа е-адреса е заштитена од спамботови. Треба да ви е овозможено JavaScript за да ја видите..

Скопје, 12.04.2017