Економскиот факултет – Скопје и АИЕСЕК Скопје ја организираат седмата меѓународна летна школа

Детали

петок, 09 јуни 2017

Меѓународната летната школа е проект кој по седми пат се организира од страна на Економскиот факултет – Скопје при Универзитетот „Св. Кирил и Методиј ” во Скопје и студентската интернационална платформа АИЕСЕК Скопје.

Темата на овогодинешната Школа „Направи разлика – стани млад лидер во справување со новите економски предизвици на патот кон ЕУ” е дефинирана во согласност со актуелните проблеми и предизвици со кои се соочуваат земјите од регионот на патот кон нивното полноправно зачленување во Европската Унија, од една страна; и тековните проблеми и предизвиците со кои се соочува Унијата по последната економска криза, од друга страна.

Целта на проектот е пренесување на теоретските и практични искуства поврзани со новите сознанија во економијата и јавните политики во посткризниот период, а кои треба да се земат предвид во справување со економските проблеми и реформи во земјите од регионот во функција на јакнење на конкурентноста на нивните економии на патот кон ЕУ.

Интегрални тематски области:

Интегралните тематски области се:

• Економски реформи и политики на патот кон ЕУ;
• Финансиски пазари и институции
• Институции и институционални реформи;
• Економија базирана на знаење;
• Претприемништво, бизнис и економски перформанси.

Најавените тематски области ќе бидат покриени од академски кадар од реномирани и добро етаблирани универзитети, како и од експерти од релевантни домашни и меѓународни институции. Посебен простор на Школата ќе биде оставен за размена и пренесување на искуствата од успешните македонските компании.

Работен јазик на Меѓународната летна школа: англиски јазик

Период на одржување на школата:  07-13.8.2017

Локација: Конгресен центар, Охрид, Република Македонија

Аплицирај на :  https://goo.gl/forms/0HXznLAr1JaZoJSl2  

Надоместок: 150 евра

Краен рок за аплицирање: 15-ти јуни 2017

Известување за прифатени кандидати: 20-ти јуни 2017

Facebook настан

#InternationalSummerSchool #Makeadifference #EU #AIESEC #ECCF #UKIM