Писмо полно љубов до саканата личност од Скопје сити мол

Детали

вторник, 13 февруари 2018

„Добро утро,

Дури и в кревет, моите мисли копнеат по тебе, бесмртна моја љубена, некогаш радосна, потоа пак тажна... ја очекувам судбината, да видам дали ќе нè задоволи. Единствено можам да живеам со тебе, или воопшто да не живеам. Да, решен сум да скитам, толку долго и толку далеку, сè додека не смогнам да долетам во твојата прегратка и да се најдам дома со тебе, каде што твојата душа ќе ја прегрне мојата, во кралството на душите – да, жалам, мора да биде така. Ќе го сфатиш тоа подобро кога ќе знаеш колку сум ти верен. Никогаш ниедна друга нема да го има моето срце, никогаш – никогаш! О боже, зошто човек мора да си оди од таа што толку ја сака, зошто мојот живот во Б., каков што е сега, е беден живот. Твојата љубов во ист миг ме прави најсреќен и најнесреќен човек на светот. На моја возраст, потребна ми е постојаност, идентичност на животот. Може ли да постои тоа во нашите околности? Ангеле, штотуку слушнав дека поштата се праќа секој ден – па затоа морам веднаш да завршам, за да го добиеш писмово веднаш. Биди во мир – сакај ме... денес... и вчера.

Моите солзи се полни копнеж по тебе, животе мој, мое сè, збогум. О, продолжи да ме сакаш и никогаш не сомневај се во најверното срце.

На твојот сакан 

Л.

Засекогаш твој.

Засекогаш свој.

Засекогаш наш.”

Писмото кое го напиша Лудвиг Ван Бетовен на својата „бесмртна” љубена важи за едно од најубавите и најромантичните љубовни писма низ историјата. По смртта на еден од најголемите и највлијателни композитори на сите времиња се пронајдени три прекрасни љубовни писма адресирани до неговата „бесмртна” љубов. Иако нејзиниот идентитет во писмата не е експлицитно назначен, историчарите сметаат дека станува збор за Антонија Брентано од Виена, која била мажена за трговец од Франкфурт.

Овој Св. Валентин и вие имате можност да напишете писмо полно со искрена љубов и да го испратите до своите најсакани од Скопје сити мол.

Ве очекуваме во Сити мол!