„Нè фати неподготвени“ - Скопје снегови те мачат

Завеани автомобили, преполни автобуси, такси ниту за лек... Да не задоцниш на работа навистина е научна фантастика.

ne-fati-nepodgotveni-skopje-snegovi-te-machat-01.jpg

Оваа зима за првпат во Скопје завеа снег на крајот од февруари. А сликата од градот? Веќе видена и добро позната.

Ајде да се пошегуваме малку на наша сметка:

- Да влезеш во преполните автобуси е научна фантастика.

- Да се движиш по завеаните тротоари е вистинска умешност.

- Безбедно да преминеш улица на пешачки премин, особено по пеколно лизгавата бела боја, е способност на малкумина.

- Трчањето по автобус го оставаме за на пролет. Сега го гледаш како ти заминува пред очи и тажно во себе му велиш „збогум“.

- Викаш такси и знаеш што те очекува по 10-ти пат: „Извинете, во моментов немаме слободна кола“.

- Најчеста конверзација: „Мразам снег, односно го сакам само кога сум на планина.“ – „Да, исто и јас.“

- Најчеста поплака: „Леле, до кога ќе вее?“ А почна пред помалку од 24 часа.

- Најчеста активност – „refresh“ на AccuWeather. Па, уште колку ќе трае „пеколов“?

- Возачите за време на снег? Понервозни од вообичаено. Прскање на пешаците? Па, кој ќе мисли сега на нив. Трубење? Да, да, може така ќе го стопиме снегот.

- Пријател со желба да испиете кафе и да попешачите по снегот? И тоа, за жал, на пролет.

- Фотки и видеа со снегот на социјалните мрежи? И повеќе од доволно.

- Доцнење на работа? Многу веројатно, па градот го погоди наааајголема елементарна непогода.

- На телевизија го слушаш добропознатото: „Снегот нè фати неподготвени, но интензивно се работи на расчистување на улиците“.

С. С. | Црнобело

Би можело да ве интересира:

Хуман дечко од Битола спаси куна, која била речиси мртва - ѝ давал млеко со цуцла, ја однел на ветер... Браво! Јове (31) од Битола е нашата позитива на денот. „Еден другар ми се јави д...
Исповед на Јован од Тетово: „Вдомив маче, беше преплашено, не се доближуваше до никого - кои работи ... „Ми викаа, да го вратам на улица, а мене тоа не ми ни паѓаше на памет. Кој сака ...
Скопско такси возило, декорирано со срциња, е позитива на денот - вака се сака работата (фото) Македонка, воодушевена од сцената што ја дочекала во скопско такси возило, споде...

Најчитани неделава

sonovnik-sidebar.jpg