Охридска банка Сосиете Женерал воведува дополнителна промоција на станбениот кредит „3+2“ и на кеш кредитот „Лесен кеш кредит“

Детали

петок, 07 декември 2018

Охридска банка Сосиете Женерал воведува дополнителни промотивни услови на станбениот кредит „3+2“ и кеш кредитот „Лесен кеш кредит“ со кои им овозможува на своите клиенти дополнителни олеснувања при купување на нов стан, или куќа, како и да олеснување во остварувањето на своите желби преку атрактивната понуда за кеш кредитот.

Промотивно, до 31 декември, 2018 г., станбениот кредит „3+2“ е достапен за сите клиенти без нотарски трошоци, без административен трошок и без трошок за апликација, а се однесува на сите поднесени апликации во дадениот период. За предвремена отплата на кредитот со сопствени средства, нема провизија.

Кеш кредитот, познат како „Лесен кеш кредит“ има промотивни услови кои ги ослободуваат клиентите од трошоците за апликација и административните трошоци.Каматната стапка е фиксна за целиот период на отплата на кредитот, а во промотивниот период за апликациите поднесени до 31 Декември 2018 година, каматната стапка започнува од 5,5%. За предвремена отплата на кредитот нема провизија. На пример, за износи во висина од 600.000 денари, со рок на отплата од 8 години со моделот (2+6), во првите две години каматната стапка изнесува 5,5%, а следствено на тоа ратата изнесува 8.053 денари, а од третата до осмата година, ратата од кредитот изнесува 8.688 денари, за кредити со вклучено кредитно животно осигурување.

Охридска банка Сосиете Женерал со постојан труд и атрактивни пазарни понуди, обезбедува финансиски услуги кои на клиентите им овозможуваат напредно искуство, и квалитетни услуги кои совршено одговараат на нивните специфични потреби.

Повеќе информации за дополнителните промоции на Банката може да прочитате на веб страницата на Банката www.ohridskabanka.mk, или да побарате информации во Контакт центарот на телефонскиот број (02) 15 050.

За Охридска банка Сосиете Женерал

Охридска банка Сосиете Женерал еуниверзална банкарска институција која припаѓа на една од најголемите финансиски групации во светот – групацијата Сосиете Женерал. Со повеќе од 146.000 вработени, со присуство во 66 земји, Групацијата Сосиете Женерал опслужува 31 милион клиенти низ целиот свет повеќе од 150 години. Охридска банка Сосиете Женерал функционира според високите стандарди на Сосиете Женерал, почитувајќи ги четирите главни вредности на Групацијата: тимски дух, иновација, посветеност и одговорност. Основната стратегија на Охридска банка Сосиете Женерал е постојаното унапредување на квалитетот на извршувањето на банкарските услуги и нејзината целосна посветеност да ги задоволи потребите на своите клиенти. Преку своето седиште во Скопје и широката мрежа од 27 експозитури на територијата на Македонија, Охридска банка Сосиете Женерал има за 

цел да биде поим за банкарски односи, препознатлива на пазарот, блиска до клиентите, избрана поради својот квалитет и посветеноста на нејзините тимови. Охридска банка Сосиете Женерал во 2016 година е носител на три награди во категоријата „Најдобра банка во Македонија“ од трите најважни банкарски авторитети - “Global Finance”, “Euromoney” и “The Banker” и носител на наградата „Најдобра банка во Македонија“ во 2017 година од “Global Finance“ и “Euromoney”. Во 2018 година, банката повторно ја доби наградата за Најдобра банка во Македонија, според познатиот магазин “Global Finance”.