Највкусните крофни во Скопје - омилен подарок и уникатно изненадување на секоја забава

Детали

понеделник, 02 март 2020

Од продажба на крофни на велосипед до препознатлив бренд во срцето на Дебар Маало – Donut Bar е приказна која со задоволство сакаме да ја раскажеме.

Започнуваат минатата година со продажба на крофни во Градскиот парк во Скопје, а поради големиот интерес се одлучуваат да отворат и свој локал во Дебар Маало во Скопје, каде можете да пробате крофни кои се изработени рачно во различни форми и со повеќе од 50 вкусови.

На прашањето какви се преференциите на љубителите на крофни и кои вкусови се омилени велат дека обично...

„Возрасните повеќе ги сакаат овошните, децата оние кои се во боја или со шарени мрвици, машката популација ужива во вкусот на карамел и путер од кикирики, додека пак девојките ги сакаат крофните рафаело, фереро... но, нема пишано правило...“ – вели Викторија од Donut Bar.

Она по што се разликува ова место е фактот што секоја крофна се изработува рачно и со многу љубов.

Крофните од DONUT BAR се во моментов најпопуларен подарок и задолжителен дел од кетерингот на секоја забава.

На свадби како слатко задоволство за сите гости, на родендени како замена за торта, за годишнини во форма на gift box или уникатен букет од крофни, за мекици со вашите омилени пораки... можностите се неограничени.

Во нивната понуда се и чоколадните срциња исполнети со крем – тежат околу 1.200 грама и се идеален подарок кога сакате да споделите љубов со вашите сакани.

Ако ви падне шеќерот - можете да си каснете и на „лице место“ во комбинација со вкусно кафе. Местото е мало но пријатно, а концептот е по светски терк.

Задолжително, заследете ги на Инстаграм – секојдневно ќе ви отвораат апетит!

Ви се пријаде, нели?