Млади генијалци: На Балканска олимпијада по физика, Драго од Пробиштип освои бронзен медал, Мајкл од Кавадарци – пофалница
- Детали
- понеделник, 02 ноември 2020
Кога младите луѓе одлучуваат да се посветат на науката и притоа се охрабруваат да учествуваат на натпревари – тие се нашата гордост, а токму такви се средношколците кои беа дел од Балканската олимпијада по физика за 2020.
Од 23 до 31 октомври 2020 се одржуваше 2-та Балканска олимпијада по физика, која беше организирана од Балканската унија на физичарите и Универзитетот во Крајова, Романија, но поради пандемијата, натпреварот се одржуваше во секоја од државите учесници, под координаторство на официјалните организатори.
За нашата земја, организатор беше Друштвото на физичарите на Република Македонија и Институтот за физика при Природно-математичкиот факултет во Скопје.
1. Драго Јакимовски од Пробиштип, ученик од трета година во СОУ „Орце Николов“ - Скопје,
2. Мајкл Георгиевски од Кавадарци, ученик од втора година во СОУ „Добри Даскалов“ -Кавадарци,
3. Бисера Јаневска од Скопје, ученик во трета година во ПСУ „Алгоритам“ - Скопје,
4. Димитар Џорлев од Струмица, ученик во трета година во СОУ „Јане Сандански„ - Струмица,
5. Стефан Дрмач од Скопје, ученик во втора година во СОУ „Раде Јовчевски-Корчагин“ - Скопје (поканет натпреварувач од официјалниот организатор, надвор од официјална конкуренција).
Во конкуренција на 48 натпреварувачи од 12 земји (Босна и Херцеговина, Бугарија, Грција, Кипар, Македонија, Молдавија, Романија, Словенија, Србија, Турција, Туркменистан и Црна Гора), двајца од нив се истакнаа со бронзен медал и пофалница, но подеднакво сме горди на секој од нив за нивната храброст и упорност.
Од нив, ученикот Драго Јакимовски од Пробиштип освои бронзен медал, а ученикот Мајкл Георгиевски од Кавадарци освои награда за успешно учество (пофалница).
Честитки за младите ученици и им посакуваме уште повеќе среќа и успеси во иднина. Тие се вистинска инспирација за сите оние кои досега не се охрабриле да се пријават на ваков натпревар!
М. М. | Црнобело
Би можело да ве интересира:
