Акција за поздрав: Дечко од Скопје собира отпадоци секојпат кога оди во Сарај (фото)

Детали

среда, 27 јануари 2021

„Сарај е прекрасно место. Често го посетувам, но истовремено нечисто и тоа ми пречи и ме нервира. Затоа одлучив да го собирам ѓубрето секојпат кога го посетувам“, напиша Бојан Трајковски на својот Фејсбук профил.

Бојан Трајковски е дечко од Скопје кој вели дека го обожава Сарај, но не му се допаѓа што паркот и околината се преполни со ѓубре.

Затоа тој одлучил секојпат кога ќе оди таму, да собере барем една вреќа со отпадоци.

На својот Фејсбук профил тој ги повикува и другите да му се приклучат во акцијата:

„Сарај е прекрасно место. Често го посетувам, но истовремено нечисто и тоа ми пречи и ме нервира. Затоа одлучив да го собирам ѓубрето секојпат кога го посетувам. Верувам дека ќе направам значајна разлика за неколку седмици од сега за секого. Можам дневно да собирам повеќе ѓубре од тие што ќе фрлаат наоколу. Исто така можеби ќе инспирирам и други да го направат истото или уште поважно да ги сопрам оние кои фрлаат наоколу ѓубре да престанат.“

По втората негова акција, Бојан напиша:

„Вреќата со отпадоци број 2 ја собрав на дождот. Направив мала разлика на патот што води до очната болница и пешачкиот мост во Сарај. Акцијата уште трае. Ако некој сака да се приклучи пишете ми.“

Секоја чест за идејата, акцијата и потегот. Сите треба да учиме од него!

Прочитајте и Петар Стевановиќ, еко-активист: „Од Козјак собравме 150 ќеси ѓубре од несовесни граѓани, мора да се сменат навиките на Македонците“

С. С. | Црнобело