Немала можност да се школува, но со помош на Сузана Турунџиева, Атиџе напиша честитка за 8-ми март

Детали

понеделник, 08 март 2021

„Иако (за жал) немала можност да оди во училиште и да научи да чита и пишува, таа денес изрази желба со моја помош да ја напише честитката“ – напиша Сузана во описот на фотографијата од честитката за 8-ми Март од Атиџе.

Сузана Турунџиева најголемиот дел од времето во последниов период го поминува со прекрасната Атиџе.

Тие уживаат во заеднички активности, патуваат низ Македонија, заедно пеат песни и запознаваат нови луѓе, кои ѝ помагаат на Атиџе да си ги исполни сите соништа.

Силната Атиџе им го честиташе на сите жени 8-ми Март, со честитка напишана на табла во училиштето во кое работи Сузана.

Сузана ја објави фотографијата и во описот напиша:

Иако (за жал) немала можност да оди  во училиште и да научи да чита и пишува, таа денес  изрази желба со моја помош да ја напише честитката и на сите жени во светот да им го честита 8ми март.

М. М. | Црнобело / фото: Фејсбук