Актерот Жарко Димоски сведок на страшната несреќа во Скопје: „Слушнав крици кои нема да ги заборавам цел живот“

Детали

петок, 21 јануари 2022

„Бев случаен сведок кога еден млад дечко ја констатира смртта на девојката. Улиците ни се како минско поле, ризик е да излезеш од дома, за жалење сме....“

Вчера (20.01) во Скопје се случи страшна сообраќајна незгода во која 24-годишна девојка која поминувала  на пешачки премин го изгуби животот, а момче беше повредено и хоспитализирано.

Страшна несреќа која уште еднаш нè потсети дека неопходно е да ги почитуваме сообраќајните правила, да внимаваме и на другите учесници во сообраќајот и да бидеме одговорни и кон себе и кон другите.

Македонија изгуби уште една млад живот и болката е преголема.

Актерот Жарко Димоски на својот Фејсбук профил откри дека бил сведок на настанот.

Неговата објава гласи:

„Бев случаен сведок кога еден млад дечко ја констатира смртта на девојката, СЛУШНАВ КРИЦИ ШТО НЕМА ДА ГИ ЗАБОРАВАМ ЦЕЛ ЖИВОТ.

Улиците ни се како минско поле, ризик е да излезеш од дома, за жалење сме.

СОЧУВСТВО.“

С. С. | Црнобело