Детски цртеж среде Скопје од дете што го бара своето маче - љубовта на децата кон милениците во една фотка

Детали

понеделник, 31 октомври 2022

„Се бара Маза Попова“ – фотографија од детски цртеж залепен на бандера во центарот на Скопје масовно се споделува на социјалните мрежи. Ова ни ја потврдува неизмерната љубов што дечињата ја имаат за своите миленичиња. Ако некој ја видел Маза да му помогне на ова детенце да ја најде.

Кога миленикот ќе се загуби тоа честопати може да биде вистински шок за сите членови на семејството, а најтешко загубата ја поднесуваат најмладите членови во семејството.

На социјалните мрежи деновиве се споделува фотографија од постер нацртан со детско раче, во кој сопственикот ја нацртал својата мачка Маза и ги моли сите да се јават на напишаниот телефонски број.

„Маза Попова е изгубена тој што ќе ја најде да се јави на овој број...“ - пишува на цртежот на кој можеме да видиме дека Маза е маче во црна и бела боја.

Случајно налетав на овој постер и го споделувам со надеж дека некој ќе им помогне на Маза и нејзиниот прекрасен мал уметник pic.twitter.com/22c7x8EJW1

— Ines Georgievska (@art_ines_) October 22, 2022

„Случајно налетав на овој постер и го споделувам со надеж дека некој ќе им помогне на Маза и на нејзиниот прекрасен мал уметник. П.С. Локација Капиштец, околу ‘Зебра’“ – напиша до објавата нашата позната ликовна уметница Инес Ефремова.

Засега не е познато дали малиот уметник успеал да го најде своето милениче, но оваа фотографија е вистински доказ за тоа колку е чиста детската љубов, како кон нивните миленици, така и кон другите членови на семејството.

Б. С. Б. | Црнобело