„Драган имаше доверба во нас“ - Пациентот кој ја имаше првата трансплантација на црн дроб во Македонија си оди дома

Детали

вторник, 13 декември 2022

Драган си оди дома... Емотивни фотографии од испраќањето дома на пациентот на кој му беше изведена првата трансплантација на црн дроб од починат дарител во Македонија.

Мирјана Бурмузоска, која е дел од медицинскиот тим, кој ја изведе првата трансплантација на црн дроб од починат дарител во Македонија и при која 60-годишен пациент доби здрав орган од пациентка со мозочна смрт, чие семејство се согласи да ги донира органите, објави среќна вест.

Таа објави дека пациентот по име Драган, на кого му беше изведена трансплантацијата, си оди дома.

Објавата гласи:

„Секој крај е нов почеток...

Благодарност до фамилијата на донорот, до Драган кој имаше доверба во сите нас, до тимот кој е огромен, до моите анестезиолози и анестетичари, до персоналот на Дигестивна хирургија, Неурохирургија, Гастроентерохепатологија, Биохемија, Радиологија, Трансфузиологија и на сите за неизмерната поддршка.

Прва трансплантација на црн дроб и да имаме уште многу во иднина.

(Сликата е објавена со дозвола од пациентот)“

Прочитајте и Наша медицинска сестра, по првата трансплантација на црн дроб, ја доловува ситуацијата од операционата сала: „По 40 часа неспиење, адреналинот нé одржа на нозе“

С. С. | Црнобело