Сара Леши, Маја Вукичевиќ: Наши ѕвезди кои се отселија од Македонија и живеат во странство

Детали: четврток, 09 март 2023

„Дојдов во САД на само 17 години без да знам англиски јазик. Патот беше тежок. Немав семејство или роднини кога дојдов тука, но си го создадов најголемото семејство од сите пријатели кои ги сретнав низ годините. И најважно – ја сретнав мојата сопруга со која имаме две прекрасни деца, родени во САД“, вели Исмаил Лумановски за преселбата од Македонија. САД ѝ стана дом и на Сара Леши, која се пресели таму во име на љубовта.

sara-leshi-zoran-vanev-nashi-dzvezdi-koi-se-otselija-od-makedonija-i-zhiveat-vo-stranstvo-01.jpg

Јован Јованов живее и работи во Канада, Владимир Крстевски Франц во САД, Александра Пилева Чадиев исто така, а пак Маја Вукичевиќ во Австралија.

Кои други македонски познати личности се отселија од Македонија?

Пејачката Татјана Лазаревска во интервју за CRNOBELO.com ги сподели искуствата од животот во Австралија, но и откри како со сопругот Новица донеле одлука да се преселат токму таму.

Таа изјави: „Австралија беше дестинација што јас и сопругот најмногу пати сме ја посетиле во кариерата, двајцата по дури седумпати, a потоа цели 2 години го разработувавме планот за да се пресeлиме таму“, а потоа дополни „Типичните Австралијци се поразлични од нас, тие интензивно работат преку неделата и не се дружат, а за викенди уживаат и трошат на патувања“.

Во октомври 2022 кога Исмаил Лумановски конечно доби американско државјанство, на својот Инстаграм профил напиша:

„Благодарен сум на секоја една можност која САД ми ја даде. Дојдов на само 17 години без да знам англиски јазик.

Патот беше тежок, но со поддршка се развивав како уметник, но и човек едновремено. Немав семејство или подалечни роднини кога првпат дојдов тука, но си го создадов најголемото семејство од сите пријатели кои ги сретнав низ годините.

И најважно – ја сретнав мојата сопруга со која имаме две прекрасни деца, родени во САД.“