Змејови, епски битки и суперхерои – Кои се најскапите серии на сите времиња?

Game of Thrones – 15 милиони долари по епизода

Game of Thrones е една од најуспешните и најгледаните серии во историјата.

Но, таа тешко ќе го достигнеше тој статус ако во неа не беа вложени милиони и милиони долари.

Серијата е позната по големиот број актери, главни и поважни споредни улоги, а низ серијата поминаа илјадници епизодни актери и статисти.

Ако се додаде и фактот дека снимањето се одвиваше на различни локации, како и многу скапите сцени со White Walkers или змејовите, изненадување е што оваа серија е само на шестата позиција според потрошените пари по епизода.

The Mandalorian – 15 милиони долари по епизода

Според многумина, серијата Mandalorian е најдоброто нешто што некогаш било излезено од франшизата Star Wars.

Специјалните ефекти се фантастични, локациите прекрасни, а само за сцените со Грогу („бејби“ Јода) се потрошени околу 5 милиони долари.

Сепак, бидејќи моментално е една од најфалените серии на Disney+, веројатно вредат сите потрошени пари.

See – 15 милиони долари по епизода

Научно-фантастичната серија на Apple TV+ со Џејсон Момоа во главната улога, има малку специјални ефекти кои драстично го зголемија буџетот.

За жал за љубителите на серијата и оние што го сакаат овој жанр, серијата има само две сезони и најверојатно нема да се снима понатаму.

The Morning Show – 15 милиони долари по епизода

Apple TV+ вложи по 15 милиони долари од епизода во серијата во која нема CGI технологија, нема специјални ефекти и снимање на скапи локации, но ја предводат актерките од холивудската А-листа.

Џенифер Анистон, Рис Витерспун и Стив Карел ја водат оваа серија, а доволно е да се каже дека тие се едни од најплатените актери на денешницата.

Е.Р. – 13 милиони долари по епизода

Најголемото изненадување на листата е медицинската серија Е.Р. на NBC, која се снимаше 15 сезони. Таа доминираше на ТВ-екраните од 1994 до 2009 година.

Низ серијата поминаа десетици познати актери, како Џорџ Клуни кој беше главен лик во серијата во 1990-тите, а подоцна Горан Вишњиќ, Стенли Тучи, Форест Витакер, Вилијам Х. Мејси, Тенди Њутн и многу други.

А колку беше популарна, можеби најдобро говори фактот што една од епизодите ја режираше Квентин Тарантино.

А. Ј. | Црнобело