Ја дрогирале Џуди Гарланд, организирале оргии: Скандалите на снимањето на „Волшебникот од Оз“

Актерката што ја глуми вештерката изгорела на сетот

Маргарет Хамилтон е актерката што ја глуми зелената вештерка во филмот.

Во филмот има сцени каде што таа се појавува опкружена со чад и оган.

Но, на снимањето на една ваква сцена, нејзината облека се запалила, заедно со зелената боја што ја носела на лицето, а која била направена од бакар.

Актерката се здобила со тешки изгореници и завршила во болница.

И нејзината каскадерка во филмот се соочила со слични проблеми.

Таа снимала сцена на која е качена на метла.

На метлата била прикачена машина за чад, но експлодирала и каскадерката се здобила со толку сериозни повреди, што на крај ѝ била направена хистеректомија.

Актерот што го глуми железниот човек носел токсична боја

Околу девет дена откако почнало снимањето, актерот Баби Ебсен, кој го глуми железниот човек, бил хоспитализиран.

Подоцна лекарите фатиле дека бојата со којашто го премачкувале за филмот била токсична, односно содржела ситни честички метал кои почнале да се таложат на неговите бели дробови.

На крај, морале да го заменат со друг актер, но тој се појавува многу малку во филмот.

Безброј други проблеми на сетот

Вештачкиот снег што се користел на сетот содржел азбест бидејќи тогаш не се знаело дека е канцероген. Неколку години подоцна, двајца актери починале од рак, но не е познато дали има поврзаност со токсичниот снег на сетот.

За филмот да биде во боја, се користела тогаш нова технологија поради која температурата на сетот морала да биде висока. Па, на снимањето било толку жешко, што актерите честопати губеле свест.

Костимот што го носи актерот кој го глуми лавот бил направен од вистинско крзно на лав поради што постојано му било жешко, додека костимот на плашилото му оставил лузни на лицето на актерот кој го глуми него.

А, бидејќи маската на плашилото била направена од гума, актерот неколкупати ќе се задушел.

Дури и кучето на Дороти настрадало – некој од актерите го згазнал и му ја изместил ногата, па неколку недели не можело да снима.

Спирова С. | Црнобело