Филмски викенд: Анимирани филмови

Последните неколку години анимираните филмови станаа многу популарни и некако се надмина табуто дека цртаните филмови се за деца. Повеќето...

...анимирани филмови иако имаат детски тематики, направени се за да ужива и повозрасна публика.

За овој викенд ви припремивме три анимирани филмови што не се така популарни како Shrek, Kung Fu Panda или Tangled, но овие покрај приказната, со себе носат квалитетни и поинакви анимации.

Повеќето се фамилијарни авантуристични приказни и верувам дека ќе ви се допаднат, и можете да ги погледнете со вашите помали браќа или сестри, внуци или деца.

Уживајте во овој филмски викенд!

Rio (2011)

Прекрасна анимирана авантура за големи и мали. Го следиме Блу, кој е егзотична птица што цел живот го поминал со Линда во книжара. 

Можам да кажам доста досаден и предвидлив живот.

Но се ќе се промени кога ќе го запознаат со последната женска птица од неговиот вид.

Доволно е да кажам дека ќе ја запознае својата дива страна.

Приказната е лесна за следење, можам да кажам и неинвентивна, но надокнадува во креативност и презентација.

Тропските боите, веселите сцени, салса музика насекаде и егзотичните птици... ќе добиете желба одма да одлетате до Рио.

Режија: Carlos Saldanha
Гласови: Jesse Eisenberg (Блу), Anne Hathaway (женската на Блу)

The Adventures of Tintin (2011)

Ако сте фан на Стивен Спилберг и на Индијана Џонес, тогаш овој е филмот за вас.

Оргиналниот Тинтин е херој од стип, но одлично е адаптиран во анимирана форма.

Тинтин е бестрашен детски репортер, чија љубопитност му носи многу невољи.

Заедно со капетанот Хедок тргнуваат во лов по скриено богатство и го бараат бродот чиј капетан бил далечен предок на капетан Хедок.

Се разбира ниеден лов по скриено богатство не е без пирати што ги бркаат нашите момци. Интересна авантуристичка акција која ќе ви го задрже вниманието и нема да осетите кога ќе поминат два часа.

Ако преминете преку детската приказна и се концентрирате на квалитетот на анимациите, или како општо е склопен овој анимиран филм верувам дека ќе уживате.

Режија: Steven Spielberg
Гласови: Jamie Bell (Тинтин), Andy Serkis (капетан Хедок)

Mars Needs Moms (2011)

Најинтересен концепт од понудените. Секое дете се буни кога мајката му дава домашни обврски и постојано го кара за било што.

Но кога злобните Марсовци ќе ја киднапираат мајката на Мајло со цел да ја исцрпат нејзината мајчинска енергија, тој ќе направи се што е во негова моќ да ја спаси.

Во тоа ќе му помогнат еден човек, што заглавил во детството, и една луда Марсовка, што се противи на Марсовското општество.

Дали Мајло ќе успее да си ја спаси мајка си, оставам да го погледате филмот.

Одличен филм со супер анимации и еден куп бркотници што ќе ви го окупираат мозокот и ќе ве натераат да сватите колку си ги сакате мајките.

Режија: Simon Wells
Гласови: Seth Green (Мајло), Joan Cusack (мајка му на Мајло)

И.Т. | Црнобело